FAHRAH AURAWL

 

Peka Chhakchhuak

FAHRAH AURAWL

Nui tura hahchawlhna ka zawn laia,
Ka suangtuahna-in thla a zar laiin;
Tahna a tawp ka hringnunah hianin,

Damkhawchhuahna neih ka beiseifan a;
Nung tura thih hmachhawn mek si hian,
Kumhlun dan ringawt ka lungkham fo va;
Ka duhzawng hmangin ka inbum fo va,
Ka duhthlan ngeiah ka vu leh si thin.


Beiseina siper ka neih ve te hi,
Tahna min hluitu tih hria ni ila;
Rairah nun hian kawng a bo zual lo tur,
Lei mawina leh lenkawl êng thin te hi;
Ka tan vulin pâr chhuang ve thei ila,
Ka hringnun hi akalh a kim ve tur.