RAKDAWN ULAW

RAKDAWN ULAW By Tluanga Chawngthu

Chhingkhual dí dàwi ang dila tuahremin,
Dawhrem lâikhuma’n lungchimte’n zâl e;
Zûa lunglawm a thâi rinawmah nghatin,

Lung hersan leh tura’n a phal lo ve.

Suihlung an rual kim emaw tih laia’n,
Nupa kâr buai hmangaihna vang bo lo;
Zûa lunglian thinnâ tháwidamna tura’n,
Chawlhtui ningzu dàwt a bang thei ta lo.

Thâi lungrukah nupa inlungrual nan,
Tlàn mai na’nge zûa nun siam duh vang chuan;
Zûa in rui lungpüamin a ko- thâi tlàn,
A ko haw thei lo, nun a siam loh chuan.

Rakdawn ulaw, thansâr a lo zâm ta,
Thâi tlàn vang zûain nun a inchhat ta.
………..
(30th,June,2004)