MALIN I AWM LO’NG

MALIN I AWM LO’NG  Tluanga Chawngthu

Kâr lam zâuin
Sakhmêl intawn nân,
Ni tam liam mah se;

Malin i awm ngai lo,
Nangmahah ka awm reng a lawm.

Hmangaihnain
Min suihzawm tawh vangin,
Lâk hran kan ni ngai lo ve;
Khawhârin lûnglêng thin mah la,
Malin i awm ngai lo.

I dâwn lûngrûkah
Lêngdang i pawm loh chuan,
Min nghilh ngai lo’ng;
Chutin keipawh rinawmin,
Mala i awm ka phal ngai lo’ng.

Duhlai,
Ka hmangaihna che avangin,
Malin i awm ngai lo.