TU KA HRIATLOH LANU HMELTHA

Sangtea Greentrain Renthlei
TU KA HRIATLOH LANU HMELTHA

‪#‎Ka‬ thlir lehlam mual ka hmu hmeltha khuavang iang;
Bung zarthing hlimhnuai a bel thuro iang,
'Ni maw hmeltha lalnu?' Bahsam lengsiaui chu!
A mawi chiang ngei tu ka hriatloh lanu chu!

‪#‎Val‬ thlunglu ka sawn theilo amah thlirin;
Vanhnuai leiah hian tu chu nghak maw thlirin?
Vannei chuang mi a ni ngei ang tu ni teh reng se!
Vuanin lungduatte'n biahnem a chhawn awm si a.

‪#‎Khattawkin‬ bahsam a bengzeh leh thin huiin;
Khawiah sel tur ka van e a chawn-ban,
Silhfen mawi belh turan a silh thiam ngei puan pan;
Khuh tur chin khuhin felfaiin a thianghlim ngei.

‪#‎A‬ sakhmel aw favang khua iang no hnap mai chu;
A ni sia maw zohnahthlak lanu chu?
A pang daih nan chhemthli hian lungduatten chhem maw?
Aw a van mawi chuang em ka hril seng mawlh lo.

‪#‎Huatthu‬ ni lo thikthu vanga famchang tawh hnu;
Amah nu hmeltha Chhingpuii an sawi,
A hehsen mawi tak chawlhkar vulpui ni a sawi!
Ani nen tehkhin ka nap e ladam se zawng.

‪#‎Duhsakna‬ thuthlum ka hlan nang che thiamtawkin;
Cho loh lenga mawi ni mah la,
'Aw nang zawng han vul zella tarkhup vawn thlengin;
I hringpui malsawmna thlentu ni na'ng che'.

8.4.2013