KA NGAINA CHE TIH I HRIA E

Zirtei Mangpa

KA NGAINA CHE TIH I HRIA E

Ka ngaina che tih i hria e...

Mahse, 

Ka hai lo,

Kan vul dun thei dawn chuang lo,

Nun, hun leh hmun hian min duhsak lo,

Kan mumang hi he khawvel hian min pawmsak lo,

Duhsam rama chhimbal zam leh chhum pawh an hmu ve lo,

Anni zawngin kan thawnthu pawh ziah zawm tlakah min ngaihpui lo.

Mahse,

Chu mangram khawvelah chuan kan hlim dun thin asin, ti raw?

Chhawrthla hmingthang meuh paw'n a eng a chhuah thei reng bik lo,

Par mawi ber pawh vul reng turin tuma'n thu ka pe thei hek lo,

Chhimbal pawh hi cham reng turin kan beisei thei bawk lo,

He hlimna hian damchhung em pawh a daih dawn lo,

Nang pawh ka tan i hlu reng dawn bawk hek lo,

Ka hai lo. 

Mahse, 

Ka ngaina che tih i hria e...

(4.7.2013)