Zanin ka lunglen ka hril dawn e,

C Van Hmingtea

Zanin ka lunglen ka hril dawn e,
Kumpui sul vei tur inher vel hian,
Thinlai mu hnu kai tho lehin,
Vanglai liam hnu min ngaihtir e,
Laikhum zal lo ten thinlai ruk,

A lengvel chul hnu nunhlui thlirin,
Panlai ni leh vanglai nite,
Uaia thamral mai tur ka dawn ngam lo.
Kipten ka chhiar hlimlai ni leh, 
Senlai nau iang tahlai nite,
Zamual liam hnu, lam ang let lo tura,
Chatuan atan an her liam mai tur chu.
In ngai ngam bik em ni?
Ka lenrual lungduh zawngte u,
Muangtea zan mu in chhin mai le? 30.12.2011