INHNIALNA

Elti Muana

Nizan, zan khaw tairekah khan ka tih tur hre loin hla tling lo te mai pakhat hi rawn pho chhuah leh ka tum a, ka'n theih der loh pek a! Ka ti ta sa sa ka'n bei chhin leh dawn teh reng ang e.
INHNIALNA

*Ami'n lenrual an el, sakhming an chher
Rual tin khuma sakhming than vena'n

Kut-ke chherin tha leh zungte seng ve la
Belval valin val an val ngai lo e.

* A duh lengin lenrual elin sakhming chher se
Rual zawng an khum seng chuang hlei lo'ng e
An chan lungngaihna buk tawk alo liam
Hlimna lah an dawng chuang lo'ng e
Thandiar khim tuma buai zawng
Hahthlawnna mai a ni
Piallei thuah riat hnuaiah lah
Sakhming thang leh thang lo an dang hek lo.

* Chutin ngai suh vala
Hring chan chhungin sakhming thatna hneha hlu a awm chuang nem
Mi ropui chuan piangtura thinlungah
Sakhming a ker lawk thin a ni ngai e
Ropuina hi i ngai ropui a nih ngai chuan
Tunah hian lo pen chhuak rawh
A kawr pela dak chhuak hmasa lo chuan
Tela paw'n hmatiang a sawn theih loh hi.

¤ In ngai sual e ka chun leh zua te'n 
Hring dam chhunga sakhming thatna 
Hneha hlu chu hlimna leh thlamuanna
Chuti ni suh se vana ro khawl a ngai nang
Piangtura thinlungah sakhming ker lo mah ila
Nunna bua ka hming a chuan chuan ka tan a tawk.

* Chu chauh zawng kan hai bik lo e
Mahse hlum khata sirva sai kawp tluka hlu a awm chuang nem
Pialleia sakhming thanin pialral kai a kham chuang nang.

¤ Piallei thandiar khim tuma buai zawng
Pialral lallukhum khum a tirem lo dah ang e
Hlimna leh muanna tluantling chuan ka hma hruai se
Sakhming thanna chuan a duh leh ka hnungah mi zui rawh se