VAHCHÀP-A THING PHURH HLÀ

 

Amigo Hrahsel

  · 

VAHCHÀP-A THING PHURH HLÀ

—Zova hrahsel—

Dt 24.2.'22

Fùrpui khuâa siahthing ro fawm ai,

Ka fawm nang zàupui chappawi hrútin.

Káwlzâl bâtin hriam hnámsen ka sìn,

Chhun ráwl fâk tur fang fai te nen làm.

Ka tùk chàppui dáiin ka hrút vêl,

Ṭhìl thing fah luâng thingsia lenhmui leh,

Zàirum zihnghal khiang tlâwn mâr thà nen,

Chàppui zum hriâm pawh ka dâwn chang lo.

Thên kùng leh bíl thing ka iaí nèm le,

Lungkhûp batling lah a mar ṭha si.

Thingrî thingkhâ bianghrei erawh zawng,

Khàwnpui aí thing chhehah a tlak nèm.

Tùrní a hrâng luâ e chàppuiah,

Dáng hnàwn siktui dàwn ka kham thei lo.

Kaihhlèt hlìng zíngah úm ang ṭhuin,

Chhùn ráwl ka fák tùrni hrâng karah.

Chhùn ráwl fâk zawh bùn leh awm lo sê,

Rìhsáng kâi hnù mah an kir leh tùr.

Mahse maw hmakhaw thlîr thiâm Vâla'n,

Hnâmsen châwiin chàppui kha thuàl e.

Tlài dài tùrni a liam dâwn tìkah,

Làm sùl ang hàwn zâi ka rêl leh e.

Sìlhpuan zâwrin thlàntui luâng mah se,

Hmâkhaw thlìr thiam nih min chan zawk si.

See translation

All reactions:

66