Tuahpui
Sta chhakchhuak, 2903022
Senmei hliau hnu hnah chhâwl uaia til ni si lo,
Tleitir bahsam virthli lêngin a chhêm iang a,
Ar pa chhiar khuan chhuang ianga pàr chhuang, tai hlir hler,
Khua thal nipui sensa hnuaiah vul a rel a,
A màwizia hril zo zaihla mawi ka hril zo lo..
Phêngphelêng leh chung lêng hram thiam va tinreng te'n,
Rilrawng fâng fák rêlin nichhun a zâr an bāwm,
Ruaipui kil iang pâr zû dáwta lo fuan zain,
Chiar nghin nghiana, changthla zāpa inlêm vel hi,
Zu thlum luan na'n nipui petu khuanu tàwna,
Thiam tawk làwm hla 'hlahril' an hril a lo ni e.
Hmâwng ang pêm tur vahkhuai rualin mual rawn hrûtin,
Ri mem memin ngha ang fuanin a zâr an bèl.
Tuahpui nena pàrfung chàwi nuam vaube pawhin,
Parh hirh herhin a hrûlah vul a rêl ve a,
Vul hlun lo tur hmun leh hun khat vul dùn chûkin,
Pàr chawi ve lo lenbuang kârah buannêl an màwi.
No comments:
Post a Comment