(Mahni intihlum te hi kan dem ngawt țhin tak na in, heti hian I ngaihtuah ve ngai em? P.s. infuihna lam erawh a nilo ania)
Thu Hnuhnung ( i )
Chung turnipui thangvan kal khian
Chung thangvan zawl a kaina run a'n
Nau ang nawrh zai rel ve ang maw?
Thlafam lamtluang chhui ve ila
Lenbuang nghak zaitin vawr sirva leng te'n,
Rairah riang lunglai dawn pui ve in,
Awih ban zai rel ang maw tukloh ram dai?
Uai in chul ang maw parmawi tin te;
A riang lairil dawn thiam ve se,
Vahkhuai partlan parzu dawn te'n,
Awmlai sun iang awmni kham maw?
A hersual lo'nge kan chung turni,
An zai bang lo'ng sirva leng te,
An vul bang lo'ng Senhri parmawi;
Partlan vahkhuai phengpheleng tan.
Parmawi tin te; lei mawina zawng nen
Hramthiam tinreng leh an hla mawi te'n
Rimawi an chang si lo thin lairila'n
Fam khaw lawi zai rel mai ta'nge.
Derna anka selna an ka,
Hring anka lei buaina chhum pui,
Hnutiang chawnin nun piah muang ram,
Nun hnutiang chhawnin pan ka nuam e.
Orphan Da Rebel Ralte
No comments:
Post a Comment