RAM KAN ȚUANNA.
Khua chuan a tlang tin hrut velin,
Tukram chul hnu ngaihlai a bâng nem maw,
Hmanah lâwm rual zaleng ram kan țuanna,
Hmatiang sawnin țulpui kan do za.
Khuangruah sûr leh Tūr nipui do nan maw,
Rûnpui ianga bûk thlam siang kan lawina;
Thiangthing bel Riakmaw dung kan thûl e.
Zingțian bawâr zai ang sirva,
Hlimte'n zai lo sa e mual tin hrútin,
Sawmfâng vûl lawm sirva tin chiar nghian e,
Hawi velin lunglai a dam ngei e.
Sumtual mawi e, zo-zam pâr te'n,
Hawihte'n an vul chiai e Rimenhawi nen,
Luah lai rûn ianga kan chawi bûk thlâm a'n,
Nun khua rel a cham mai ka nuam e .
(Ckt.2010)
No comments:
Post a Comment