LUNG MIN LEN
Thing leh hnah nem mah tuai ang an thar,
Van dum pawl leh chhum rang mah khian,
Thlirtu thinlung an chawi nung si a.
Lunglohtui awm maw, lung a leng em mai.
Fiah fai a hringlang thlir tlâng iangin,
Ram reh kar reh rawl awih ka ning si lo.
Ka ngai e ram tin rimawi thang tin fawn,
Chhimthli, len rawh ka thla chu, tlângliamah sawn,
Pâr dang zuan a ram dai hrut velin,
Vahkhuai pâr lawm khumin chhaktiang i vêl ang,
Tah chuan ka tawng mahna liam hnu zawngte,
Thuril chhiah lai hnemtu ka tawng mahna.
Thliah hnu ka tan thliahloh pâr ngei pawh,
Fam khua lang se, tawng hian ka inring țhin.
Chhum piah van pawl piah ram khi,
Lung min len ka thlir bang thei si lo,
Lei dan a mangțha chuan tawp dar khawngin,
Hringnun piah ram danin an vul si maw.
Ckt.18822
No comments:
Post a Comment