Thinlai a’n i cham reng mai,

Samuel Chinzah‎MIZO POETRY
28 June at 16:24
Thinlai a’n i cham reng mai, nghilh hian ka mawi
lo
Saisen tet ata tawh biahthu di hlan ka tum thin
che
Rairah lung mawl vang em ni, ka hlan ngam si lo
A riang thinlai zo chhum ang a zing riai e
I tawngkam mawi leh tha dawn ti seitu mai maw
lo ni
Duhthu leng ka sam zawngte tham ral mai a’n ka
phal lo
Ka dawn thui ngam lo, leng dang tan ka phal
mawlh si lo
Chorus:
Duh ai sam chu nang ngei hi i lo ni
Nang nena thiangtea len dun rem ve thei se,
Lung lawma kim ngei ang, eng dang ka ngai tawh
lo’ng
Leng dang chu sirah hnawlin
I tang nemah lung dam tein biahthu kip te’n ka
hlan nang che
Kham lo takin, Mangtha hel lai di nun ti hlim nui
mawi
2. Ka ngaihtuah phak ngai loh, nang nen dar ang
kan lo intawng
Tawn mang ni si lo, ka thlir ning thei mawlh lo
che
I sakhmel leh anka nem, a riang kei min bual a
zo
I nui ri, ka thinlai zo chhum zing chhem kiang tu
Tha ngaihnobei, hel lai, nun ti hlim nui mawi
Chung khuanu leng zarah tawn leh ni aw her
chhuak thuai se
Ka thinlai chhung ril ber luah tu, bahsam thlah
nui mawi te
Nem te’n chawnban vuanin ka dawn lung ruk
hlan nang che
3. Tuan tul vangin Vala, mual za pui ka liam a tul
si
Mahriak tea suihlunglen tuar a har ka ti
I zun ngai reng hian mah te’n zan mu chhin a har
mang e
Ka thinlai ril chhuak hmangaihna biahthu ka hlan
che
Tham ral mai lo se, kip te’n ka hlan zawng te
I dawn lung ruk min hlan ve mai la, lung a dam
mai tur
Dawn i ti sei em mai, hel lai di aw duh lai Naute
Kei a riang thinlai a’n i hlui thei dawn mawlh si lo