HMANA KA CHHAI..

Lc Liana Valtea‎MIZO POETRY
28 June at 07:09 ·
HMANA KA CHHAI..
Hmanah ka chhai Tingtang leh zairi,
Nuihiau lenrual thaleng ka zaipui:
Kan su dîm laichhuat zawl zau laiah,
Rimawi zunzam kan chhai lungrualin:
Kan neih rawl theihtawp chhuah ui lo tein,
Chhunni rei mah ning lo kan zai nilen.
Tunah a dang ka chhai lai Kawltu,
Sawmfang hring cham dur ka awi nilen:
Tingtang chawi lai pawmtu vai si e,
Kawl ni chhiarin Ramtuan ka relsan:
Zantiang Runin ka belh chhung te pawh,
Hah lai thawi a'n laikhum ka zal e.
Dawnin hmana Rimawi kan chhai lai,
Lunglen zualah rualhlui ka zaipui:
Lungruala laichhuat chhir leh maw e?
Thanlai hawlin maw Zoram an awi:
Kei zawng, tuan relin Kawltu ka chawi,
A dang zo ta chhai lai kan tulpui.