THAMRAL LO HLIMTHLA..

Lc Liana Valtea‎MIZO POETRY

THAMRAL LO HLIMTHLA..
Sul ang mi zui ban rel lo Hlimthla,
Chhingmitthlaa kumtluang cham tur a'n:
Tawnmang iang i zamral si Lungrun,
Thamral lo hlimthla chauh mai ka tan:
Min chhiah ka tahpui tur nunhlui kha,
Tharin mi zui lunglen zual tur a'n.
Lunglem nei lo riang a'n min lo tiam,
Chawr lo hnahnem tawnah ka uai chu:
Par lai uai tur vuanin hlimthla mai,
Tuiluang dankir rual lah chang si lo:
Iangin i liam dan rual chang si lo,
Sei tur vaih ni ka chhiar mai lo ni.
Tlangcham phulleng chuana lunglen chu,
Awm lo ngaia ka chuan mual mai tur:
Tulpui lunglen ka chanpui mai tur,
Famkhua lawi thleng mi zui tur hlimthla:
Thamral si lo hlimthla ka chhai hi,
Hring chan chhunga ka tulpui tur chu.