INTIHLUM LUL SUH.

Khiangte LR Lra‎

INTIHLUM LUL SUH.
I chun leh zua te'n,
A tui tha tha leh mawi ber ber,
Pe in an thuammawi che a,
Thiamna run leh thaikawi ze tial,
Zirin khawvel eng hmu ve turin,
Neih thing lung khawngin,
Harsatna tam tak pal tlangin,
Duat te'n an chawi lian ta che.
Tunah eng kher vang nge lo ni,
Thihna hruizen chu i thlan tak mai le!
I chun leh zua chinlai unau te,
Thenrual tha lungduh zawng te"n,
An ngai thiam thei lo,A pawi lua e, ti mai a i fam hi,
An hrilh a hai lua e.......
Van Pathian paw'n engtin ngai ang che maw.
Aw Nula,aw Tlangval,
Nawmchenna hian awmzia a nei lo ve,
Aw nula hur leh lerh hian chinlem a nei lo,
Aw tlangval ruih leh sual hian tawp a nei si lo,
Aw hmelthatna, Aw hausakna,Ropuina leh hmingthannate hian,
Beidawnna sualah mi hruai thleng thin,
Atawpah thihna hruihrualin a awk zawk si.
A pawi lua e, a pawi ngei e,
Nun sual leh awmherh te,
Hur leh insumtheihlohnate,
Ropui leh chaponate hian,
Beidawnna mai min thlen zawk si,
Aw nula, Aw tlangval nun sual chu ban san la,
Sim la, hawi san rawh tunah hian,
Chuti lo zawng van leh leiah hmun i nei lovang.