Friday, 12 September 2014

MI TIAM KHA..


Ab Six August
10 September at 06:50
MI TIAM KHA..
Silh lai puan zawn mi tiam kha,
Thuam ang mi do lul suh Parte;
Duhsâm hrailêng kan la awi lo,
Tiam sa rûn pawh i luah nem;
Tângnêm bela kan tiam kha,
Kumsûl tam an la vei si lo.
I tel lo vangkhua a zau thlâwn,
Rairah iang luaithli nul nan mai;
Lenrual an kim aw i awm si lo,
Chhai rua lêng tam zîngah i tel ve lo;
An hlim râwl ngaiin kei ka riang,
Kan rûn zauah ka nûl luaithlî.
Ui te'n ka au mi chhâng si lo,
Ka chûn ramtuan ngai ka tah iang;
A tul em ni min liamsan tak?
Sûl haw nghaka ka thlir iangin;
Ka thlir nitin Parte nang nghâkin,
Kan chhuahtlâng phûllêngah.
Va ko u lawm lai lenrualte u,
Rawn thlen ula kan rûn riangah;
Silhpuan zawn min tiamtu ka di kha,
Hrailêng tam ka awihpui tur a'n;
Hei hi hrilh r'u a ngaia ka tah,
Lâm ang a lo lêt leh mial tâkah.
Rûn leh laitual ka vaihna,
Hawi vel ila tlâng tin thlîrin;
Romei zâm kârah lang ve se,
Nuihiau bân vaiin min ko se;
'Valmawi ka lo kir' tiin,
Ti hian ka sâm duhthu ai ang.


No comments:

Post a Comment