'Laikhum'

Tepuia Chogthu
3 September at 22:23
'Laikhum'
Laikhum riang tê,
Chhàwntu awm lo zawl cham del;
Thlehnem pan riai,
Vuantu awm lo muang dam diai;
Val mawl lung tê,
Dàwn zui nei lo leng lai;
Hringmi mal lèn,
Muang te'n a chawi mu e.
Riakmaw va iang,
Ka belh lai thing-thiang chang la;
Bâk va iang a,
Thim khua ka vaihpui loh nan;
Lung a lâwm thin,
Awngrawp hringmi i thawi hian;
Lai a dai e,
Tuahrem i sakruang belin.
Chhingmit khârin,
Pal loh ruamah ka tuan e;
Chin lêm vaiin,
Kir tiang relin ka mawi lo;
Lal mual kîlin,
Lianchhung ka chawi lai nopui.
Riangfa tan zawng,
Dam rei nghah thil mai lo ni.
Zingtian khuain,
Belh lai thleh nem zùn mi ban;
Turni mungin,
Rian khaw laitual a thual e;
Chhunrawl thangvan,
Zantiang laikhum pau hla mawitu;
Lung tin dumtu,
Lungmawl sûtpui kei ka Laikhum