Dee Es Pautu
8 September at 20:20
KAN RUN RIANGTE
Mahriak lunglen awmkhua a har,
Ka han dawn a kan run riangte;
A ngir liai e vangkhaw tualan,
Runtin chhing kan run riangte kha.
Thangvan turni leh chhim thlipui,
Khuangruah sur nen i do dai a;
Khawzo siahthing bel lelte ang,
I zar belh reng kan ning love.
Chhingkhual run nghah chang nite hian,
Ka dawn thin a chhungkim ni te;
Ngaih a zual thin kan run riangte,
Tu dang ngai lova kan lawina.
Neihchawng run zawng sang hle mahse,
Kan run riang chhing ka tawng love;
Nichhun tuanrel hah chang niten,
Ka ngai em che kan run riangte.
No comments:
Post a Comment