CHOLOH MI U

Dee Es Pautu
7 September at 22:09 · Edited
CHOLOH MI U
Nang ngaih a zual ma-nge thal favangah,
Turni nem diai vanzawl a her liam a;
Mahriak Run khua a har tinkim dawnin,
Ka ngai zual che khua mawi choloh mi U.
Thal favang tlaini eng no riai kawlah,
Khua thal ni si lo romei a zam a;
A zam e lunglen romei ka tangan,
Ka ngai bang lo'ng che choloh leng mi U.
Phu loh zun leng a hrang dawnlungrukah,
Lung lam vaiin suihhrui ang min phuar a;
Vawikhatte chawnban vawn damchhung sawian,
An chang tur tuar a har choloh mi U.