A MAK HRINGNUN..

Abrahama Aba

A MAK HRINGNUN..
Tawn loh vei thu awm si lo,
Nghilh nan tawn ngai si chu;
Hringnun veiin ka ta awm si lo,
Ka ta ngei kha midang ta tur;
Rei lo te atan ka kawlpui mai,
Ka pual tur lah an nei hlen si e.
A mak hringnun ka hril seng lo,
Lungngaia ka kun lai zalêng an lawm;
Nau ang ka nuih lai an tahpui,
Dorâl ka tâwnin an cháwl e;
Muangin an bêl rûn hliap nuam,
Turni a hrâng bîk lua em ni ka tân?
Vanduai tahna ka lo chanin,
Min khûm vanduai dang an piang;
Malsawm dawnga ka inhriatin,
Pawm zawh loh an lo dawng si;
Keimah ka indem mêk laiin,
Mipui tam tak hmêl a lo lang.
Ka hmâ lamtluang a mawi,
Hlim tein ka zawh hmatiang;
A langchin mai a lo mawi si e,
Dârfêng sipai an lo lian zo ta;
Kirtiang rêla ka hawikir laiin,
'Tawn rawh' tiin min lo hrilh.
Hnutiang ka thlir let leh a,
Ka sûlhlui kha senmei lo ni;
Hmatiang thlira ka pên dâwnin,
Râlthuam nen ka dorâl an tam;
Kirtiang rel tur a rem si lo,
Thih leh dam dâwn loin ka kal tang e.
Like ·  · Share