ZAWH LOH LAMTLUANG KA CHHUI VE

Sangtea Daifém Val Renthlei

ZAWH LOH LAMTLUANG KA CHHUI VE

Zawh loh lamtluang thlirin ka hawi a,
Hnu a thar reng chhui mi awm zelin;
Pan lam hniak a tam an hawi hma lam,
Lo kira hawi let rêng ka hmu lo kal zelin.

Zawh loh lamtluang chikin ka thlir a,
Peng a awm reng kawng hrang awm zelin;
Lan lam thlék an sam an hawi chu lam,
Lo kira hawi let rêng an awm lo pan zelin.

Tawn loh hlimthla tarin an chap a,
Thlir an awm reng thutchilh awm zelin;
Tan lam bík an nei an hawi duh lam,
Dâwn kira chhui let rêng an awm lo pen zelin.

Nih loh an duang cheiin an thup a,
Vei an awm reng hnehchhiah awm zelin;
Ban lam bík an nei an hawi tak thiam,
Lamleta sim tum rêng an awm lo chen zelin.

Hei hi maw zawh loh lamtluang an sawi,
Pana kïr leh awm lohna lamtum chu?

-sangtea signature@28.03.2014