ZORAM DARTHLALANG ~

Lalkhawloa Lars

~ ZORAM DARTHLALANG ~

Zoram kalsiam a her ruai ruai,
Ram hmangaihtu kan pung tual tual;
Hmasawnna kawng a bo tual tual;
Beiseina-in kan van ruai ruai.

Therhlo ilo kan bawh huam huam,
Hnathawh tur ‘rawh kan hel them them;
Rorelna dik kan ning thim them,
Mi lian leh hung kan pak huam huam.

Thlarau bo zawng kan tam tual tual,
Thalrau bo ‘rawh kan kat nuai nuai;
Ruihhlo ngai pawh ka zi nuai nuai,
Ringtu erawh kan tlem tual tual.

Mipat hmeichhiat a hluar tual tual,
Nula thianghlim an awm pheuh pheuh;
Uire hrat pawh an awm pheuh pheuh,
Pasal tha pawh an vang tual tual.

Rorelna dik kan ngai vawng vawng,
Thlarau thianghlim kan ngai vawng vawng!

[Kuthlei thiltih #16]