HUN HLUI

Jh Malsawmdawngliana Vala Mizo
HUN HLUI

Hring leh thar hnah nêm, chawrtin lo duah chang hian,
A thar leh thin nunhlui mualliam hnu kha;
Dâwn lungruka ngaia auh châng ni hian,
A her si lo, lungrual lai kha;
Sâwt si lo, hun mualliam dâwn châng ni hian,
Chhîngmittui reng a hul theilo.

Turni hera thangvan zâwlah a kai châng hian,
Nang nen lungtin ruallai ka dâwn thin a;
Uai hnu vullai dâwn reng reng hian,
Thinlai trapin ni ka lêng a;
Ngaihlai lungrun nanglo reng hian,
Lairil dam ni a awm si lo.

Zan khua tlai-in, chiapcha chitin an pau chang hian,
I zun ngaihlai a thar zual a,
Zan tiang siar leh chhawrthla pawh khian,
Min hriattir e ruallai hun kha;
Ih maw bawihte, i zun ngaih hian,
Chin lem a nei mawh si lo.