KHIANGAWI KAWLVALENCHHAM

Masi Naupangsual Luhlul Chhakhhuak
KHIANGAWI KAWLVALENCHHAM

Ka hawivel a tlangtin mualtin
Vankhua zawng a ngui ruai e,
Sirva hramthiam pawh ngawih zai relin;
Riahbuk runbuk an bel
Hrilthiam se an nguai chhan
Chingkhual kawlvalenchham,
Khiangawia riahrun i rem tur,
Ngaihngamloh vang a ni ngei ang le.

Ui chung zelin au che mah ila,
Hringnun kalsiam tura khuanun
Duatten a duan zawng lo ni si,
La lai thlah a chunnu
Changtura hmatiang sawn a
Pheilai i khai hi , chinlai chuan
Phallo mah ila i hringnun mawina tura
Khuanu duanlawk a ni si.

Ngai chungzelin kan hlimni te
Ka thlah nang e pialral a tawng turin
Hmangaih tang belin duatten leng la
Fanau maltluan chawíin
Duhsam chunnu changngei ang che
Mahse i chinlai u leh nau te
Min nghilhbik suh ang che khuareiah,
Damten kan inkhawm leh dawn nia.