KAWNG HARSA

Abrahama Aba
KAWNG HARSA

Engkawng nge ka kawng zawh?
Kawng nuam leh ralmuang a ni lo;
Khawilam nge ka pan zel tak le?
Hmun ralti leh hlîng tamna chu,
Tah chuan ka cheng ta renga;
A awm lo ka tân tlanchhuahna.
Duh ka thlang fo thin a chângin,
Ka duhthlan ka chan fo thin;
Ka zawng zel e chawlh awm lovin.
Ka hai fo ka nihna leh chanvo,
Min tilungngai leh si thin tap turin;
Bosan dâwn ila a rem si lo ka ta ani.

Engtin nge ka tih tak ang le?
Chhiar tel ka ni fo Vanduai zîngah;
Ka thlan reng an ni silo ka ta tura'n.
Min pe ka kawng zawh lai hian,
Khâm kâr lungpui leh hlîng zîngah;
Hringnun ani ka damlai thlânthim.
Ka tihsual vanga ka tawrh bâng lo,
Ka tihsual ka duh vang reng lah ni lo;
Hringnun a ni ka duan awm lo chu.