A RAH CHU MAI AN TI.

Lalremsanga Khiangte Lra Khiangte
A RAH CHU MAI AN TI.

Ka nu'n
Kan kawmchar,
Huanah,
Mai a tuh,
A lo tiak,
A lo to,
A lo thang,
A lo duah,
A lo zam,
A lo par,
A par chu,
'Mai par' an ti,
A mawi em em,
Ka thlir ning thei lo.

Mai Par lawmin,
Hun tam ka hmang zo,
Thinlai ati hlim zual ngei,
Kei ka suihlung tilengtu lo ni si.

A par chu,
Leiah tlain,
A lo vuai,
A lo chuai,
Chuai mah se,
Tunah chuan,
A lo rah ta,
A rah chu,
'Mai' an ti.

Mai zam,
Mai par,
Mai rah,
Hmu lova,
Fam chang,
Kei ka chun,
Min hriat chhuah tir,
Mai par leh,
Mai rah te'n,
Thinlaiah,
A thar leh thin,
Ka ka chun nunnemi kha !