KA DIL LOH

Abrahama Aba
KA DIL LOH

Ka dil loh biahthu min hlân,
Ka sawm lohin i lo riak lut;
Ka rin phakbak ka lo pe che.
Ka laklet theih loh ka hlân che,
Min rûk sak i tân ka thinlung;
Rûk hmang lânu i lo ni e.

Ka hnar lo che i chhuak ta,
Ka der lo che i liam si e;
Min tiama i sût leh mai chu.
Ka rinawm i tân englai paw'n,
Mahse nunrawng min lo ti;
Derhmang khân dertu min tih chu.

Luaithlî daitui iang lo sûr e,
Dan nân thinlung a luangral;
Rose hlîng zîngah ka tuh.
A tiak mahse a dîp hlum si e,
Hmangaihna pawh vanduai e;
Hlimna pawh chuai zo ta e.