DAMCHHÛNG TUARNA

TC Lalremsiama
DAMCHHÛNG TUARNA

Ka inrin tak tak hman hmâin a rawn thleng phut,
Min nanchîn miau si avângin ka pawm bet thut,
Rin loh taka lo thleng tâ chu kan phûlpui hlut;
Mahse kimki râltîin a tawlhsawn hrut hrut ,
Tawlh pahin thahrui hmang loin min nam thlu khut,
Ka thawh ve leh theih meuh chuan ka kal bâi chhut chhut.

Hringnun harsatna hi nang nge kei zâwk tuar tam?
A chhânna chu eng pawh lo ni se ka tuar kham;
Mahse nang nên chuan hreawm tinrêng ka tuar huam,
I kiangah chuan thinlung nâ pawh hi ka tuar nuam.

Nang nên damchhûng tuarna hluar huaisâr kan hnawt tawm,
Lungngaih leh lâwm, ngui leh hlimna pawh kan intâwm.