HEI HI MAW?

Abrahama Aba
HEI HI MAW?

Duhtin sama ka sam hmaih loh,
Ka tâwnah ngei hian duhlai;
Pâr ang vul thei teh mai la.
Hei chauh ka dâwn thin hlim nân,
Mahse duhsam a kim thei si lo;
Ka ruat loh tâwn a ngai leh thin.

Hei hi maw ka tân khuanu ruat,
Chan loh lêng hel khuatlai hi;
Tumtâwk lêng a'n ka chhiar si lo.
A duhsam ka tlin miau loh mai le,
A anka der hun tam ka tuar;
A derna ankâ lah a thlum ngei e.

Tlawmna hnuaiah kei ka tlâwm,
Ka thlan ber lêng ka her sual;
Ankâ mai zawng a râwng lua si.
A lairil a'n sâr zâm reng si e,
Kei ka tân lâwm a har ka ti;
Lâwm nân duhsam ka thiam love.