ANKA MAI

Abrahama Aba
ANKA MAI

Hei hi hringmite thinlung,
Thutak pailo nun vakvai;
Dikna tello ankâ mai hi.
A phêna thihna tûr awm chu,
Petu leh dawngtu
angkhat;
A hlan chhawng e
lêngdang tân.

Derna tiamthu kan
chhuang e,
Hmangaihna aiah
nawmna;
Rinawmna tello thinlung.
Kan dawng kan pe
chhuak e,
Tahna mai maw i tân leh ka tân;
Nang leh keima cho chhuah chu.

A ri ah buai mai lo la,
A thlumna dâwt hek suh;
A khâkna hnawl chuang lovin.
A him chin lairil a'n dâwn zawk la,
Anka mai zawng a dêr fo;
Ngaihtuah la zir nang che.