NUNHLUI LAWHLEI.

Htluanga Hruaia

NUNHLUI LAWHLEI.

Lamtluang zauah nun khawharin ka kal a,

Lamsir hnahnem hlingin lungmâwl mi chhun a.

Vangkhua zauah puitu tawng lovin ka tlu a,

Hnâwlhnu hnâwmhne iangin sirah mi hnâwl a.

Rün lian ruakah Puitu vànin ka zâl a,

Rün ram zülin sakruang a chau zo ta!

Lamtluang zauah nun khawharin ka kal a,

Hnutiang liamhnu hlimthla mawiin mi zui a.

Hringnun chantual dawhsânah ka pau a,

Chan lem changtu hmelah takna pâr ka hmu a.

Takna pâr neitu sakhmelah hlimna ka hmu a,

Muanna rünah mawite’n a vul chiai a.

Hringnun hleiten a dang zel a,

Kumtluang pârin chuai hun a lo nei si a!

Takna pâr chuan tahna rünah mi chhiah a,

Chuailo pâr chuan kumtluang pâr chuai mi bàn a.

Thinlung kehchhia tuam damtu ka zawng a,

Nunhlui kawltu hlimthla chuan mi tahtir a.

Zan khua thimin khuangruah a sür a,

Chinlem awm lo lunglen zün ka phur leh ta!

(10.09.2012-Ht)

Tag PhotoAdd Loc