BIBLE

Khiangte LR Lra
BIBLE

Aw, Ka thian duh tak,

He 'BIBLE' hi i kal pel fo mai dawn em ni ?
Han chhiar ve teh, a chhungah hian ;

Pathian hmangaihna THU NUNG chu a awm a,
Mi sual leh mi tha, mi lian leh mi-te te tan pawh a,
Chhiar ngei ngei chi a ni a :-

* Kal ngaihna reng hre lo kawng bo tan,

KAWNG DIK

* Lungngai leh tap a rum-te tan,

HLIMNA

* Mangang leh beidawngte tan pawh a,

BEISEINA ENG

* Na tuar leh bawrhsawmte tan,

DAMNA KIM

* Ni tin khawsakna atan,

FINNA KAWNG

* Riangvai chanhaite tan,

HNEMTU

* I taksa leh thlarau boral mai tur,

CHHANDAMNA ngei chu……

* He lehkhabu chhungah hian a awm tak zet a,
Ro phum ruk anga taima taka i zawn chuan,
Heng zawng zawngte hi i chhar chhuak ngei ang.

* Misual, Tualthat hmang, Ruk hmang, Zu ngawl vei, Nawhchizuar,
Uire, Hel hmang leh Bum hmang ni tawh mah la,

LAL ISUA’N A HMANGAIH RENG CHE,

He khawvela i bo pil hi a phal lo va, 
Chhandamna i chan ngei hi,
He Bible tum ber chu alo ni.