ENGATINGE?

Damte-i Thangluah

ENGATINGE?

Tlaikhua lo ngui, thim ri riai in,
Sirva'n riah rûn an rem siahthing zarah;
Riakmaw valeng zawng riah rûn a vâi,
Kei pawh i sakhming lamin riakmaw ka zül.

Zin kawng kham hâr ka zawh lai hian,
Dir diara par thin
hringnun ka dawn a;
Lang lo tuarna ruam belelut-ah,
Engatinge i hming ka lam leh thin?

Tuarna kiam ngai lo hringnunah hian,
Ri riai a vûl thin, hlim lai ka dawn a;
Lang lo thinlung rûma tapin,
Engatinge nunhlui ka tih fo thin?

Ka chuan mual lunglenna zawl zau-ah,
Chhing chhenga ri seih mawi ka dawn a;
Lang lo thinlung rukte'n a pau a,
Engatinge ka ngaih leh thin che?