SULHMUN HLUI ZUNZAM

R Lalchanchin Mawia
SULHMUN HLUI ZUNZAM

Ram tuan rel ila tuanna mualhlui hrûtin.
An sawi thal ni sensa vawl vawl hnuaiah.
Suangtuah hlimtthla tinkim zuia her liai liaiin.
Nunhlui tawngin ka mawi e sulhmun hluiah.

Hmanah chuan lenrualte nen ramtuan relin.
Tudang ngai lovin nau ang kan nui za thin a.
Hlimlai sulhlui kan chhiah e mualtin chuanin.
Kan dawn phak lo khuarei kumsul tam vei.

Mahse a rei lo em e rualduh kan hlim ni zawngte.
A liampui zel si maw hun leh ni inher zel hian.
Min ban e zawh loh zunphurh thalni eng hnuaiah.
Ngaihhruihna suangtuah hlimthla tin lêng vel.

Khawiah tuan maw lungtin rualpui rualhlui zawngte.
Han dawn ve maw awmhar rairah riang vala.
An mawi ve e sulhnu chhuia awmhar tinkim dawnin.
Ai ang thar ve maw e nghilhloh nunhlui an thinlaiah.

Theih chang se sakhmel dar ang intawng lehin.
Hlimten hrilza leh i tawn loh kar awmhar thutin. 
Amten hringnun chhiara suihlung rualza lehin.
Puan ang hnawl ka nuam ngei e rairah awmhar lunglen.