SUL HLUI KA CHHUI NI CHUAN

Elti Muana
SUL HLUI KA CHHUI NI CHUAN

Sul hlui chhuia rual kim lenna sumtual ka chuan leh ni chuan
Lumtu vai si lo hian rial ang a dai zo a
Vahkhuai ang kan lawina runah tleidang an leng a
Sul hmun hluia chhingkhual mi hrang chan ka chan ni chuan
Chawnban vuana biaklai chhawntu reng ka tawng lo a
'A sumtual mawi hi dar ang chhaia zai tin kan chhiahna'
Mahse tu'n min theihpui si lo.
Hmana kan lenna sumtual mawi ka fan leh ni chuan
Hriat loh lengin kan hum hlui an luah khat a
Chhingmitthlaah erawh a cham reng si 
Kan lawina run hliap hlui ka fan leh ni chuan
Hmana kan hlim rawl mawi kha
Tlei dang awrawlin a chhilh khah a
A thangkhawk erawh benga rawngah a cham reng si.

Khuavel danah chuan 'tun' hi 'hman' a chang thin a,
Thinlung danah pawh 'hman' kha 'tun' a chang leh thin.