HOSANNA!

Lalrammawia Chhakchhuak
. . .HOSANNA! . . (Tûmkau Ni Pual)

Hmasang rêngpui Kaisar lallai hnuaia'n,
Mim ang lo piang chunriang Mari chawia'n;
Khualbuk nuama riahrûn chang silo khan,
Bel ta si maw leihmun tlawmber ah khan,
Tawmkailo hringfa chhandam tura'n.

Awmlai vei leh nat tinreng tidamin,
Vangkhua a thual hringmi rawngbawl sakin;
Chhingmit del leh bengngawng tan pawh varna.

Luh zai rel ta vangkhaw puilian Jerusalem,
Tir in zirtir hnih te Bengtung tuaitir kai a'n;
"Va kal ta u hmatiang vangkhaw tuala'n,
In hmu ang a tuaitir Bengtung vulhlai,
Kai in rawn hruai rawh u ka tan".

Hnial loten an kal zel e lamtluang pheia'n,
Va hmu in, an kai ta Bengtung vulhlai;
Dang leh hnialthei awmne'm hringmi zinga'n,
Lalpa kamchhuak dikzia tarlang tura'n.

Silhpuan phahin a chuang Bengtung chungah,
Pheilai an khai 'Salem lamtluang pheia'n,
Silhpuan, chhawlthing an phah lampui laiah,
Hlim leh lawmin an au Lalber fakin;
"HOSANNA!" thangkhawk in vangkhua a fan.

Chutin ropui chang se kan thinlunga'n,
Lo chuang ve se tluhnu hringfa chungah;
A fak hla khat se vanhnuai khuavel ah hian,
Fak zual zel r'u kan Lal ropui ber chu.

"Hosanna!
Lalpa hminga lo kal chu fakin awm rawh se,
Ram lo thleng tur, kan Pa Davida ram chu chawimawiin awm rawh se.
Chungnung ber ah khian Hosanna!" . . .
. . .