KUMARI NGAIIN.....

Tluangtea Lusei
KUMARI NGAIIN.....

A thlir vangkhaw mawi,
Tawng nem maw a D,
Khawiah tuan ang maw?
D ngaiin a uai,
Hnemtu tawng si lo,
A far ta luaithli,
Awi maw a pawi e.

Hnemtu tawnglo val,
Pheikhai a nuam lo,
D lenna thlir in,
Um ang lo thu e,
A na lua em ni,
Kumari zun ngaih?
Heti em em a,
Thlang kawlrawna leng,
Raju suihlunglen,
Awi maw a far leh.....

D ngaih bang si lo,
Hnemtu tawng si lo,
Tahlai kawlkunga'n,
A liampui dawn e,
Han hnem ve u law,
Karimgunj val hi,
Heti reng chuan e,
Kumari ngaiin,
Fam achang mai ang.

Tahna kawr ruamah,
Hlimna tlang thlirin,
A D a au a,
'Duat kumar' tiin,
'Enge ni Bawihte',
Titu tawng si lo;
Beiseina lung chu,
Rem sang mahse,
Beidawnna tiang chuan,
A hem chim ta si,
Awi maw Raju-te,
I va riang lua em!


Hlimna zawng vala,
Hnemthiam awm si lo,
Turnipui paw'n maw,
A D ngaihlai chu,
A herliampui lo,
A zual zel e maw,
Kumari zun ngaih,
Nau khawngaihthlak chu,
A tahna khua reng,
A sei ta lua e.

{ 5 syllables} — with Zirtei Mangpa and 2 others.