(Themtleng te zawk ang maiin mi thiam rual zingah hian i han inrawlh ve chhen mai teh ang. Benglova thu leh hla 'men-ah' inlo thlak hram zel a niang chu. Hla thupui nei lo bawk)
Zingtrian sikni eng en tleu daifim ten,
Ka thinlung chhungril tur angin mi run;
A mawinain ka tan hlimna a phen,
Rawn thual leh e, hlimlai leh hlui hnu hun.
Ngelchetin dawn kai zel e hringmi leng,
Pialleia tawn ngai loh tur kan zawng fo;
Khuanu'n hringmi leng tan a ruat loh heng-
Duhaisam kim a hlimna leh nun tlo,
Sih nau ang nui ri, sul ang zuitu chu-
Lungngaih beidawnna rum ri a ni chawk,
Sam san luatah trahna ruamah kan tlu,
Thral khaw nuam pawh 'thral va ek char' nen bawk!
Beisei bo ngiat lovin, i chan' lawm la,
Vangpui chhaih te'ng aw, chen la nun, i ta.
Ngelchetin dawn kai zel e hringmi leng,
Pialleia tawn ngai loh tur kan zawng fo;
Khuanu'n hringmi leng tan a ruat loh heng-
Duhaisam kim a hlimna leh nun tlo,
Sih nau ang nui ri, sul ang zuitu chu-
Lungngaih beidawnna rum ri a ni chawk,
Sam san luatah trahna ruamah kan tlu,
Thral khaw nuam pawh 'thral va ek char' nen bawk!
Beisei bo ngiat lovin, i chan' lawm la,
Vangpui chhaih te'ng aw, chen la nun, i ta.
No comments:
Post a Comment