MUMANG MAI NI SE.
Eng kim mai hi mumang mai lo ni se,
Thlangtlai tla hnu nunhlui mual liam tawhte;
Pial lung khar hnan lungduh kal hmasate,
Ngai leh ui êm êma kan then takte.
Nghilh loh rual hlui tlâng danga lengte nên,
Suihlung min hnemtu Ainawnpari pawh;
Vala thinlai zîng chhûm ang a kian nân,
Tawng leh ila zingtian kawl êng riaiah.
Nghilh zai rêl ila lungngaihna zawngte,
Lungruala chhûn ni zankhua vâr zain;
Then nân turni kâwlah chhuak tawh lo se.
Lairil a na chuang chul hnu nun ngaih chu,
‘Ral tawh dawn lo la, thlir thiam teh hmatiang;’
Mangtha le nunhlui ngaihawm takte u.
Nghilh loh rual hlui tlâng danga lengte nên,
Suihlung min hnemtu Ainawnpari pawh;
Vala thinlai zîng chhûm ang a kian nân,
Tawng leh ila zingtian kawl êng riaiah.
Nghilh zai rêl ila lungngaihna zawngte,
Lungruala chhûn ni zankhua vâr zain;
Then nân turni kâwlah chhuak tawh lo se.
Lairil a na chuang chul hnu nun ngaih chu,
‘Ral tawh dawn lo la, thlir thiam teh hmatiang;’
Mangtha le nunhlui ngaihawm takte u.
No comments:
Post a Comment