(Hman zanah group pakhatah kim lo nuaihin ka post tawh a, helaiah hian kan post ve leh ang e)
Zanlalfanu -3
Aw zanlalfanu -
Riang têa thlehnem ka belh laiin,
Thangvan sang lo kai la,
Awm khua hara tinkim ka dawn laiin,
Zantiang lamtluang chhui zel na'ng che.
Zanlai thlifim hnuaia luaithli ka nul laiin,
Nang erawh parfung i chawi si a.
Hmanah nui hiauva leng ṭhin,
Tunah thin lai lung lai hnualin ka tham,
Nang erawh hman leh tuna dang lo chhawrthla i ni si.
I sakhmel eng siarah khan,
A cham reng e, suihlunglengte sulhnu,
Luaithli nula an ṭah hla nen.
Hring kan chan chhung hun leh kum te,
Pialleia kan chhiar zawh laiin,
Nang erawh chuan danglam lo têin
Ami lengte i thlah liam si ṭhin a,
Par a, vul a, vanglai nei ve si,
Uai a chul leh mai ṭhin hringnun hi,
Dam te'n i dawm liam tam ta lua e.
Lengi leh vala hriat rengna lung phuntu,
Tawnmang rama ka liam hma ngei hian-
Mangṭha rih le,
Zanlalfanu.
Thangvan sang lo kai la,
Awm khua hara tinkim ka dawn laiin,
Zantiang lamtluang chhui zel na'ng che.
Zanlai thlifim hnuaia luaithli ka nul laiin,
Nang erawh parfung i chawi si a.
Hmanah nui hiauva leng ṭhin,
Tunah thin lai lung lai hnualin ka tham,
Nang erawh hman leh tuna dang lo chhawrthla i ni si.
I sakhmel eng siarah khan,
A cham reng e, suihlunglengte sulhnu,
Luaithli nula an ṭah hla nen.
Hring kan chan chhung hun leh kum te,
Pialleia kan chhiar zawh laiin,
Nang erawh chuan danglam lo têin
Ami lengte i thlah liam si ṭhin a,
Par a, vul a, vanglai nei ve si,
Uai a chul leh mai ṭhin hringnun hi,
Dam te'n i dawm liam tam ta lua e.
Lengi leh vala hriat rengna lung phuntu,
Tawnmang rama ka liam hma ngei hian-
Mangṭha rih le,
Zanlalfanu.
No comments:
Post a Comment