Zan

Zira Chhakchhuak Hualngo
‎(An ti thin tih hriat a vanga tih ve ngawt hian ropuina lallukhum min khum tir lem lo tih chian nan ve reng reng le)

ZAN

Turnipuiin thlang lenkawl liam a rel,
Ngui riaiin nungchaten riahrun an bel;
Thim lal thuneih hun zan lo thleng tur hi,
Hrawn an zuam ne'm, turni cham se an ti.

Hringmi tan pawh nun tiralti reng an-
Em alo duan thimzan, khuanu leng hian;
Rukru leh koham leng chinghnia zawng ten,
Laitual leh dai an vel, thim lalfa nen.

Zantlaiah bawhar an pau eng ngenin,
Chhan erawh an ni lo khawngaih thlakin;
Thlunglu-a mualhawih bahsam to tawh te-
Pawn nghakhlel takin varkhua an thlir ve.

Mahse chhia zwng zawng thimzan bel lo la,
Rim luat laka hahdam hun khua ruat kha.