VAWIIN
Zingtian baw-ar lo pau'in,
Zanmu chhing min kai harh e,
Kawla'n turni lo lanin,
Vawiin hun kan chhiar tan e.
Tukthuan rel a lo hunin,
Turni lo her sang zel e,
Chhunrawl fak hun lo thlenin,
Turni, a vanlaizawl e.
Chawhnu tlang her lo thlenin,
Chung turni a hnim tan e,
Lo sul haw hun lo thlenin,
Pisa kai an bang ta e.
Thlang lenkawl lam pan zelin,
Chung turnipui herliam e,
Zanriah kil hun lo thlenin,
Vawiin hun liam hnai ta e.
Chhun roreltu her liamin,
Si-ar ten lan zai rel e,
Van rang sang, de chiah chiahin,
Siruk lan zai a rel e.
Zan Lalnu, Chhawrthlapuiin,
Lan zai a rel leh ta e,
Leilung mawina chhun engin,
Van thengreng a thiang ngei e.
Leilung leh Van thian laiin,
Hunbi tehna her zel e,
Zanmu chhin zai ka relin,
Ka vawiin a liam ta e.
06112012
Tukthuan rel a lo hunin,
Turni lo her sang zel e,
Chhunrawl fak hun lo thlenin,
Turni, a vanlaizawl e.
Chawhnu tlang her lo thlenin,
Chung turni a hnim tan e,
Lo sul haw hun lo thlenin,
Pisa kai an bang ta e.
Thlang lenkawl lam pan zelin,
Chung turnipui herliam e,
Zanriah kil hun lo thlenin,
Vawiin hun liam hnai ta e.
Chhun roreltu her liamin,
Si-ar ten lan zai rel e,
Van rang sang, de chiah chiahin,
Siruk lan zai a rel e.
Zan Lalnu, Chhawrthlapuiin,
Lan zai a rel leh ta e,
Leilung mawina chhun engin,
Van thengreng a thiang ngei e.
Leilung leh Van thian laiin,
Hunbi tehna her zel e,
Zanmu chhin zai ka relin,
Ka vawiin a liam ta e.
06112012
No comments:
Post a Comment