NUN

Lc Renthlei

Thianpa Elti Muana pawh a zahawm e, hei hi ka rawn suan lut ve teh ang.

NUN

Khawvel par mawinate

Chuaiin an chul zo va,
Hringnun thlifim meuh paw'n
Nun kawng a dai pelh a;
Rala cho-ui pau leh,
Thihna darkhuang tum ri'n
Thinlairil a thawng a
Nun thîm ang a zing e!
Hei hi maw hringnun chu?
Zan khaw thim chu buanin
Eng ka zui lovem ni?
Ka thinlung hnungkhirha
Tual chara rap hrualin,
Hnehna hla chham mah se
Hmel leh fuke mawina,
Tisa duhawmna hi
Vaivut mai a ni 'sin!
Tehkhawng chuan han teh la,
Bukna chuan buk teh le
Mittui far khat pawh hi
A hlu zawk lovem ni?
Hmangaihna an chhal a,
Nun hlimna an vuah maw?
Ka tlin lo, ka tling lo!
Ka kal ang e, ka thian,
Pen khat leka penin
Muangin kal mah ila,
Eng chu ka zui ang a
Ka hnungtawlh ngai lo vang!