(Class awl laklawh lai leh chhun chawlh laia phuah zung zung. Dik hlel lai a pianga ngaihdam dil chung zelin.......ka'n ti ve leh ngawt e)
TU KHUM LOH LAWHLENGI
Chul zozam a mawi, a iang reng khan,
I sakhmelah thlanghar tui a luang;
Thumi iang nun zemawi leh tluang,
Sel bo tha ainawn i ni ka tan.
Ai khaw hnimin thinlai zin mahse,
Nang awm la ka tan;ruah hnua ni chu;
Thinlai zochhum, furkhua iang tiantu,
Mawitin khuma mawi chuang i ni.
Zobawm parmawi tin vullai a zur,
An sawi zanlalnu paw'n mual a liam;
Sakruang mawina pawh zaten a kiam,
Nang zawng thuanthu-a parfung chawi tur.
A i 'maw kan sual, chungkhua a nuar,
Hawktui sah e, khuangruah chiar nghian nghuan;
Lungngaih mittuiin piallei a luan,
I 'seih' loh vang a nia'nge kan tuar.
Chhaktiangah lawhlei par a vul bung e,
Tlang za sam par leh aitenawn par
Theihtawp infamin mawina an tar,
An hen lo lawhleng par ka di e.
Thumi iang nun zemawi leh tluang,
Sel bo tha ainawn i ni ka tan.
Ai khaw hnimin thinlai zin mahse,
Nang awm la ka tan;ruah hnua ni chu;
Thinlai zochhum, furkhua iang tiantu,
Mawitin khuma mawi chuang i ni.
Zobawm parmawi tin vullai a zur,
An sawi zanlalnu paw'n mual a liam;
Sakruang mawina pawh zaten a kiam,
Nang zawng thuanthu-a parfung chawi tur.
A i 'maw kan sual, chungkhua a nuar,
Hawktui sah e, khuangruah chiar nghian nghuan;
Lungngaih mittuiin piallei a luan,
I 'seih' loh vang a nia'nge kan tuar.
Chhaktiangah lawhlei par a vul bung e,
Tlang za sam par leh aitenawn par
Theihtawp infamin mawina an tar,
An hen lo lawhleng par ka di e.
No comments:
Post a Comment