A LANG LO VE
Nun an bosal ta em ni thangthar lungmawlin,
Pipu chena hnam ro zonun zemawi chambang.
A lang lo nun kanglang thangthar bengtla lo ziaah.
Thlir mah u a pamhmai lue e lungtin hnur nan rênga'n.
Hei chu i tâna a ni lo keima tan liau liau a ni,
Hetah i tan hmun a awm lo keima hum liau liau a ni.
Chan váwng tur renga khuanu ruat ka chanvo hi,
Kiang rawh min chuh suh ka chhâwnin a hêm ang che.
Rual u mah ni e mawlna fahrin thibeh lo behbuh,
A B C pawh hre lo nun hawihlo chhawih chhê chhú.
Upa tawmkailo mah vahmim a kara a mawngtawih.
Zahphur renga mawi lo hluihlawn hmanlai rilru pu.
Aitin tha ka thlang zel e thlengtlawr zuanin.
Hlawkna hlawhchhuak zel e mahni tanghma haiin.
Ka ni ne'maw sahmin thêpa dawvan kâi rual.
I pum puar mah se ka pum puar na maw e.
Nêk kat rawk rawk mai na'ng min daltu apiang.
Kian zai i rel maw e ka kalkawng kian turin.
Daltu awm lo mifing kal nan kawl veng ruai e.
Sawiin sêl thin mah u i nun ni lovin ka nun a nih hi.
Heti tlat mai hi kan ni hlawmkhawm tawh si a le..kan hmabak zel tûr hi......!? Ngaihtuah ngam chi pawh a ni hrim lo ve. Aw khawiah tuan maw.. aia u zahthiamna zonun ze mawi kha?
Thlir mah u a pamhmai lue e lungtin hnur nan rênga'n.
Hei chu i tâna a ni lo keima tan liau liau a ni,
Hetah i tan hmun a awm lo keima hum liau liau a ni.
Chan váwng tur renga khuanu ruat ka chanvo hi,
Kiang rawh min chuh suh ka chhâwnin a hêm ang che.
Rual u mah ni e mawlna fahrin thibeh lo behbuh,
A B C pawh hre lo nun hawihlo chhawih chhê chhú.
Upa tawmkailo mah vahmim a kara a mawngtawih.
Zahphur renga mawi lo hluihlawn hmanlai rilru pu.
Aitin tha ka thlang zel e thlengtlawr zuanin.
Hlawkna hlawhchhuak zel e mahni tanghma haiin.
Ka ni ne'maw sahmin thêpa dawvan kâi rual.
I pum puar mah se ka pum puar na maw e.
Nêk kat rawk rawk mai na'ng min daltu apiang.
Kian zai i rel maw e ka kalkawng kian turin.
Daltu awm lo mifing kal nan kawl veng ruai e.
Sawiin sêl thin mah u i nun ni lovin ka nun a nih hi.
Heti tlat mai hi kan ni hlawmkhawm tawh si a le..kan hmabak zel tûr hi......!? Ngaihtuah ngam chi pawh a ni hrim lo ve. Aw khawiah tuan maw.. aia u zahthiamna zonun ze mawi kha?
No comments:
Post a Comment