SUNNA

Ka Lalnu
‎(Kan reh em mai, hei hi ka la dah loin ka hria a, hmun awl hnawh khah na'n ka'n dah ve mai mai ang e.)

SUNNA

Siktui suanglung sakruang a chawi tawh hnu,
Kir zai a rel e, nipui tawn changin;
A iang rengin piallei Khuanu sakruang a chawi tawh hnu,
Puini tawngin lam ang let e.

A hring sakhmel ka tawng nem maw,
A hring anka ka dawng nem maw,
A tuahrem zai mawi erawh
Khallai ka bang lo'ng e.

Seifa saltha hrang hluan kha zawng an liam,
Tunah kan biahzai sutpui a tliak leh ta.
A awh zo tur lenbuang ril tha,
Awm ang maw e, zaihla ramloh ngawah?

Biakbuk runah a tuahrem zai kan vawr bang lo,
Thang leh thar min chhiah di ngaih zai a chul lo'ng e.
Kei ka zai kawng hruaitu kha rihsang liam mah se,
'NGHILH LOHNA PAR' huanah uai lo te'n a vul zel ang.