PA, MIN HAN EN TEH

Zirtei Mangpa
PA, MIN HAN EN TEH

Pa, I tel lovin kum khat dang a vei leh dawn a,
Min kalsan atang khan i hmun hi a la ruak reng a,
Hnawhkhah ngaihna hre lovin ka la van ruai a,
Nang lah chu hla takah ka ban phak lovah i awm si!

Pa,
Kumpui sul inher hian a liampui lo che a,
Min kalsan mah la i sul i kalpui ve si lo a,
Harsat mangan laia ka belh i la ni fan a,
Nang lah chu hla takah ka biak phak lovah i awm si!

Pa,
Sikpui intanin hunpui a thleng leh dawn a,
He thinlung ruak hi vawtin a hmet khawro leh ang a,
Mal leh khawhar takin ka au leh ruai che ang a,
Nang lah chu ban phak lohvin i reh leh vung vung si ang.

Pa,
Min rawn thlir ve thin tiraw?
Ka lam hawiin i ban i rawn phar ve thin tiraw?

Pa,
Ri lova ka auh che hi chhang thei tawh lo mah la,
I awm nghengin min kuah thei tawh lo mah la,
Ka kiangah awmin min pui thei tawh lo mah la,
Ka mittui min hruksak thei tawh lo mah la,
Kan Pa Van ami tal khi min dilpui thin ang che aw...

(Heta dah ve zel loh hi chu nuam ka ti ta mang miah lo... :D )