Va Vala
Hun leh nite an herliam zela,chutin lei hringnun nen,
Tuktin pârte pawh an chuai nitin zel a;
Kumtluan pârte paw'n kumtluan zo loin,
Chuai lo pârte meuh pawh an chuai zo ta!
Tun hun hi nakin maia thawnthu hlȗi tur chu maw?
Nimin kha hun liamin kir zai rel hek lo,
Hun liam tawh kha hmanlai an chang zel;
Nunhluite kha hmanlaiah an chang zo zel bawk.
Hmanlai leh nunhluite kha khuareiah chang zoin,
Sul ang hawngin kir zai an rel tawh si lo;
Hmatiang,hnutiang dawn changa dar tui anga,
Ka luangral mai tur hi lung a awi thei lul lo e.
No comments:
Post a Comment