Vul lai ni tawi hrai chawi lo val

Bingbii Pa

Vul lai ni tawi hrai chawi lo val

1. Tuk loh ram dai bawn khanthuam mualpui,
Kara zochhum bawh siktui luanna;
Chhunrawl vaia lenrual kima tual chai ni,

Dawn changin hmanlai an chang ta.

2. Chengrang chawi vala’n ram a tuanna,
Khi, kuh, zukte’n tual an lenna hmun;
Tuahpui, ainawn, vau, sang thing lerah vul maw,
Zawlnu bahsam tawn mawi tura’n.

3. Perhkhuang rem lohin sirva rual ten,
Biahzai an rem tuahthing zar belin;
Leng dang ngai lo rengin, tum tawk leng an chhai,
Hringnun tahpui zai an rel lo.

4. Kheng ngurpui lanu tuanna thlirin,
Zarva iangin leng thei chang sela:
Ram chuanin a leng ngei ang thangvan zawlah;
Lairil thawitu zawlnu vangkhua.

5. Vul lai ni tawi hrai chawi lo val khan,
Rualduh leng tawng ve maw thangvanah:
Bawmzo tuai thing iangin rual duh lawm lai ten:
Rual te’n sawi dim pui ve ang maw?

Phuah Ni - 13.Sept. 2008 11:30 Pm